自從開始全力做 Handling File 後，時間已經少了很多。雖然人工沒有甚麼轉變，但學的東西，又多了。
很開心，第一次收到人留言問我問題，哈哈!估唔到我呢個 Blog 都有人睇喎!
今日我想講的是，「簽臨約後, 想加名, 點做好呢?」
買樓好多時都為落名的事煩來煩去，起初認為落一個名好，但諗諗下又想落多個，呢種情況，我已經見了很多了。
1. 如果加名的人如買家有直屬關係(即爸媽子女)，只需要在律師行做一份叫 Nomination 的文件，聲名簽臨約時所下的臨時訂金是共同附出，所以要加多個名就OK。 Nomination 都要加印花稅的，$50/$100 (視附加名的人如買家是何關係)
2. 簽定臨時買賣合約時，聲明買家係簽正式買賣合約時會有一次加名權利 （如果 Agent 願意係臨約上加 (只是加，不是刪除或更改)，Nomination 都唔洗做)
* 如果加名的人 / 改名的人和買家沒有直屬關係，政府有可能當你是「轉售 Sub-Sale」，而對你收取多一次的印花稅。
但係，唔好意為層樓落左你名好好，如果層樓要做按揭，你都會做左承按人，一樣要承擔按揭責任。
